Darfur.

O pasado 14 de xullo o fiscal do Tribunal Penal Internacional, Luis Moreno Ocampo, solicitou unha orde de detención contra o presidente de Sudán Omar Al Bachir, acusado de xenocidio, crimes de guerra e de lesa humanidade en relación o conflito de Darfur, no que aproximadamente xa morreron mais de 300.000 mil persoas e outras 2,5 millóns foron desprazadas dende o seu comezo no ano 2003.

Segundo o propio fiscal , "as violacións, a fame e o terror son as tres principais armas para, ante os ollos do mundo, e baixo vixilancia internacional, cometer xenocidio. Bashir comete xenocidio sen utilizar balas nin machetes."

Tras este anuncio, unha serie de países: China, Irán, Exipto , Tanzania e a Liga Árabe condena a intromisión do TPI nos “asuntos internos” de Sudán. As ONG aplauden a medida aínda sabedoras de que seguramente serán as primeiras damnificadas e as organizacións internacionais: a ONU e a Unión Africana anuncian a retirada do persoal non esencial da zona. As tropas despregadas da UNAMID, segundo un alto responsable da Unión Africana, non se van marchar da rexión para continuar coa súa misión.

Ata aquí un relato brevísimo destes días, que aló menos, tiveron a forza de volver a poñer un conflito esquezido nas portadas dos nosos periódicos e telediarios (semella que os conflito en Africa ou alcanzan cotas de barbarie inimaxinables ou non existen).Un relato que xa nos soa a repetido e coñecido ,e que polo tanto non invita a nada bo. Pero neste caso quero chamar a atención das propias palabras do fiscal do TPI cando na rolda de prensa afirma que dito xenocidio estase cometendo ante os ollos do mundo e “baixo vixiancia internacional”. Cando o alto responsable (sic) da Union Africana di que as tropas despregadas non se van marchar da rexión e que seguirán para cumprir a súa misión ¿a que misión se refire? Quizás a misión que lle adxudica o propio fiscal do TPI: ser testemuñas de que efectivamente o que ocorre en Darfur é un xenocidio.

¿Para que son as misións de Nacións Unidas e organizacións satélites? ¿para que se mandan soldados a zonas en conflito? Gostariame contestar que para protexer “por tódolos medios necesarios”a aqueles que están ameazados, e a súa vez para protexer a aqueles que acuden na súa axuda, pero unha vez mais parece que están para levantar acta ante o mundo que o que ocorreu, ocorre e ocorrerá en Darfur, é efectivamente un xenocidio.

Somentes agardemos que non volte a caer no esquecemento o sofremento de tantas persoas..